Hayang Lauk Laut Teu Kudu ka Laut, Aya Pasar Ikan Modern Soreang

- Selasa, 4 Mei 2021 | 14:45 WIB
Dirjen Penguatan Daya Saing Produk Kelautan dan Perikanan (PDSPKP) Kementerian KKP Artati Widiarti melakukan monitoring dan evaluasi pengelolaan Pasar Ikan Moderen di Kabupaten Bandung.
Dirjen Penguatan Daya Saing Produk Kelautan dan Perikanan (PDSPKP) Kementerian KKP Artati Widiarti melakukan monitoring dan evaluasi pengelolaan Pasar Ikan Moderen di Kabupaten Bandung.

SOREANG, AYOBANDUNG.COM – Warga Kabupaten Bandung, hususna Soreang-Banjaran jeung sakitaranna teu kudu ka laut lamun hayang lauk laut nu saleger kénéh. Pasar Ikan Modern (PIM) Soreang nu ayana di tungtung wétan Jalan Gading Tutuka nyadiakeun macem-macem jinis lauk laut, ti mimiti udang, cumi-cumi, sotong, balakutak, kerang-kerangan, kakap beureum, lauk kué, jeung réa- réa deui.

Gedong PIM Soreang nanjeur ti taun 2019 ayana di lahan nu luasna 20.288 m2, luas bangunan total 7.257 meter persegi. Dilengkepan ku fasilitas lapak pemasaran total 220 unit jeung lapak foodcourt di lantéi 2 nu lobana 24 unit.

“Cobaan geura mampir. Laukna saleger kénéh. Sagala lauk aya. Bisa langsung dipotongan deuih. Hargana murah. Jadi, teu kudu jauh-jauh ka Pangandaran atawa ka pasar caringin lamun hayang lauk laut,” ceuk Suparmantoni (45) warga Parahyangan Kencana, Minggu, 2 Mei 2021.

Komo deui dina bulan Ramadan ayeuna, PIM Soreang ngayakeun bazar di lapangan parkir hareupna. Sagala kadaharan kaperluan buka puasa disadiakeun, ti mimiti goréngan, sarupaning kolek, olahan seafood, jeung réa-réa deui.

-
Pasar Ikan Modern Soreang. (Foto: Dudung Ridwan)

Mun hayang jongjon, naék ka lantéi dua gedong PIM. Aya dua puluh lapak nu narima meuleum lauk atawa narima mangmasakeun sanajan teu kabéh buka.

Saha waé nu hayang beuleum lauk laut atawa sarupaning seafood dadakan, tinggal turun ka lantéi hiji, meuli ku sorangan laukna di lapak-lapak nu geus disadiakeun. Kilo, bari sakalian ménta dipotongan. Geus kitu, bawa ka lantéi dua, lapak-lapak di lantéi dua siap narima jasa mangmeuleumkeun atawa mangmasakeun lauk nu geus dibeuli.

“Harga jasa meuleumna, tina sakilona Rp25.000. Sarua mun hayang dipangmasakeun gé. Umpamana kerang hoyong dimasak bungbu saos padang atawa asam manis, sarua harga jasa masakna Rp25.000,” ceuk saurang ibu-ibu nu ngajaga lapak.

Ibu Neni (50) warga Pananjung ngarasa sugema buka puasa di PIM. Anjeunna meuli lauk kue Rp45.000 jeung kerang 1 kilogram Rp25.000, ditambah sangu Rp20.000 jeung jasa masakna Rp50.000. “Raos, cekap kanggé opatan. Laukna badag. Pasakanna raos, barudak resepen,” ceuk Bu Neni.

Editor: Dudung Ridwan

Terkini

Cerita Pendek: SUATU HARI TANPA ISTRI

Sabtu, 9 Oktober 2021 | 11:46 WIB

Sastra Sunda: LAWUNG DI BASISIR CIUJUNG

Sabtu, 2 Oktober 2021 | 10:32 WIB

Sastra Sunda: LAGU PANINEUNGAN

Sabtu, 18 September 2021 | 09:42 WIB

Cerita Pendek: INTEROGASI

Sabtu, 11 September 2021 | 10:33 WIB

Sastra Sunda: MAPAG UDAT-UDAT BALEBAT

Sabtu, 4 September 2021 | 10:04 WIB

Cerita Pendek: TATAPAN MATA

Sabtu, 28 Agustus 2021 | 07:48 WIB

Sastra Sunda: NU CÉPLAK JEUNG SEUHAH

Sabtu, 21 Agustus 2021 | 09:13 WIB

Cerpen: Mantra Kuno di Kajoetangan

Sabtu, 14 Agustus 2021 | 12:06 WIB

Sastra Sunda: KATURUG KATUTUH

Sabtu, 7 Agustus 2021 | 10:15 WIB

Sastra Sunda: MAPAG HIBAR PANGHAREPAN

Sabtu, 24 Juli 2021 | 13:59 WIB

Sastra Sunda: ÉLÉGI PANDEMI

Sabtu, 10 Juli 2021 | 10:47 WIB

Nu Dijilbab Kayas

Selasa, 22 Juni 2021 | 14:59 WIB
X