Pustaka Angkot: Usaha Seuseut, Angkotna rék Dijabel

Dudung Ridwan
- Rabu, 28 Oktober 2020 | 09:34 WIB
Pian jeung angkotna perpusatakaanna.
Pian jeung angkotna perpusatakaanna.

AYOBANDUNG.COM -- Pian Sopian (40) jeung pamajikanna, Èlis Ratna Suminar (35), dua taun ka tukang, 2018, kungsi sohor. Warta ngeunaan manéhna viral. Warga kampung Nagrak Desa Jatisari, Kec. Cangkuang, Kabupaten Bandung ieu téh loba diwartakeun di koran-koran, di televisi, jeung diondang ka mana-mana, nepi dibéré bantuan ku Présiden Jokowi. Naon sabab, Pian jeung Èlis harita dianggap pajuang literasi ti kalangan handap nu tanpa pamrih.

Pian ngan saukur supir angkot. Samentara Èlis ibu rumah tangga. Tapi, Èlis boga pendidikan D1 Jurusan Perpustakaan ti Universitas Terbuka. Atuh, di imahna, Èlis ngumpulkeun buku-buku pikeun bacaeun barudak tatanggana. Teu eureun saret di dinya, Èlis ngarojong Pian sangkan di angkotna diayakeun rak buku jeung dipajang buku-buku jang bacaeun panumpangna.

Pian nurut jeung ngarojong kana ide pamajikannana. Atuh, harita, ti taun 2016 angkot Pian jadi hiji-hijina angkot Soréang-Leuwipanjang nu aya “perpustakaan”-nana. Nepi ka hji panumpangna, di taun 2018, ngaviralkeun kagiatan “perpustakaan berjalan” éta.

Èta carita baheula, update carita ayeuna béda deui. Ayana pandemi Covid-19 ngajadikeun usaha angkot Pian seuseut. Panumpang euweuhan. Panghasilan turun. “Meunang saratus rébu kotor ge geus hadé. Tapi, ayeuna mah tara nepi meunang sakitu. Paling meunang 50-60 rébu sapoé,” ceuk Pian. “Nya ngan cukup jang dahar.”

Ceuk Pian, saprak Pandemi Corona 19, cicilan angkotna nu sabulanna gedéna Rp2.600.000 an kahambat. Pernah éta gé ceunah ngajukeun keringangan ka leasing, ngan dibéré waktu 6 bulan. “Ayeuna eunggeusan, pihak leasing geus nagih deui. Padahal, cicilanna tinggal 6 bulan deui,” ceuk Pian.

Pian mihareup, aya donator bageur nu méré injeuman kalawan cicilanna kahontal, ceuk Pian basa diwawancara Ayobandung.com di Soréang, Senén, 26 oktober 2020.

Editor: Dudung Ridwan

Terkini

Cerita Pendek: PEREMPUAN BERWAJAH DINGIN

Sabtu, 4 Desember 2021 | 09:25 WIB

Sastra Sunda: HAMPURA DEWEK, EUY!

Sabtu, 27 November 2021 | 08:24 WIB

Cerita Pendek: PEREMPUAN DAUN PISANG

Sabtu, 20 November 2021 | 08:34 WIB

Sastra Sunda: ONDANGAN

Sabtu, 13 November 2021 | 10:01 WIB

Cerita Pendek: RAHASIA PINTU

Sabtu, 6 November 2021 | 09:37 WIB

Sastra Sunda: TINA JANDELA

Sabtu, 30 Oktober 2021 | 10:25 WIB

Cerpen: ROH SI PUYANG

Sabtu, 23 Oktober 2021 | 13:52 WIB

Cerita Pendek: SUATU HARI TANPA ISTRI

Sabtu, 9 Oktober 2021 | 11:46 WIB

Sastra Sunda: LAWUNG DI BASISIR CIUJUNG

Sabtu, 2 Oktober 2021 | 10:32 WIB
X