Carita Pondok: LENGLANG-LENGLANG SAWAH URANG

- Sabtu, 24 September 2022 | 08:44 WIB
Ilustrasi carpon Lenglang Lenglang Sawah. (Arsacadipura)
Ilustrasi carpon Lenglang Lenglang Sawah. (Arsacadipura)

Carpon Emha Ubaidillah

NGARASAKEUN lungsé, awak disandakeun kana tihang ranggon. Nanghunjar, nyébakeun awak kana hiliwir angin. Pira gé iseng mantuan ngarangké palang awi ku bangkarak dudukuy cetok jeung longdrés belél. Mantengkeun tali rapia wéh kana siku-siku ranggon.

Abong awak kuring geus nincak kana bangbarung satengah abad. Karasa ngagejrugna tanaga téh. Eukeur mah sapopoé kurang kapoé jabaning kurang gajrag-gijrig. Sasat indit iuh mulang sareupna. Di kantor ngagugulung layar komputer. Matak gé, meungpeung keur dikudukeun sagala di imah, bieu téh gura-giru ka sawah tukangeun imah. Tuluy papay-papayan ngalidagan cireumis galengan.

"Wios, Yah, étang-étang réfrésing bari ngajagjagkeun tuur wé," ceuk kuring basa salaki ngahulag. Kalantang-kelenteng dina ampar babakoan jeung jukut rambat, karasa beueusna sumarambah kana sumsum balung.

"Aduh Si Ibu, mani sisinanteneun lungsur ka sérang." Sada nu ngajéréwét ti peuntas kotakan. Sora nu geus ngaloma dina ceuli. Manéhna teh Idot, panyawah kuring nu jeung Karman salakina puluh-puluh taun jadi bulu taneuh pipireun imah kuring. Harita gé keur nguyek memener tihang pancang keur tulang-tulang bebegig. Sedeng Mang Karman, ti jauhna katénjo beberetekkan ngabibira abrulan manuk.

"Ngiring bingah atuh ai ntos damang mah. Éta geuning tiasa mapah nyalira satebih-tebih ka dieu." Idot ngagalindut, ngabagéa kuring nu karak nepi ka hareupeun manéhna.

"Ah ngahaja wé Bi, teu digibrigkeun ku sorangan mah moal gé menyat, awak téh," ceuk kuring bari ngarongkong kana tungtung longdrés bujil, mantuan Idot.

"His, da ibu ogé anak-buyut patani kahot ti baheula mula. Hayang wé kali-kali mah layeut jeung ambeu taneuh, dalit jeung hiliwir kembang eurih," ceuk kuring deui basa manéhna ngahuit pajar téh cenah bisi kuring karugrag.

Mémang lain heureuy mun sababaraha minggu ka tukang, kuring ngaringkuk. Biasa, mun teu urusan lambung tangtuna gé urusan kaganggu tarangbaga jeung jeroan cangkéng. Ceuk itu ceuk ieu, cenah akibat lila teuing diuk, akibat kurang nginum cihérang, akibat kurang istirahat, akibat loba teuing ngonsumsi jéngkol. Jeung sajabana jeung sajabana.

Halaman:

Editor: Dudung Ridwan

Tags

Artikel Terkait

Terkini

Cerita Pendek: PEREMPUAN YANG INGIN MENYULAM BIBIRNYA

Sabtu, 26 November 2022 | 10:01 WIB

Carita Pondok: VILA CANTIKA

Sabtu, 19 November 2022 | 06:43 WIB

Cerita Pendek: GROOTE POST WEG 17

Sabtu, 12 November 2022 | 14:00 WIB

Carita Pondok: HIJI WENGI SISI TALAGA

Sabtu, 5 November 2022 | 08:36 WIB

Cerita Pendek: KABUT KEMBANG RANDU

Sabtu, 29 Oktober 2022 | 06:59 WIB

Carita Pondok: KURUPUK UDANG DINA TOPLES

Sabtu, 22 Oktober 2022 | 11:38 WIB

Cerita Pendek: PERSELINGKUHAN

Sabtu, 15 Oktober 2022 | 08:06 WIB

Carita Pondok: GUPAY PANUNGTUNG

Sabtu, 8 Oktober 2022 | 13:28 WIB

Dongeng Pendek Sunda: Hayang Aya Kumisan

Kamis, 6 Oktober 2022 | 16:51 WIB

Dongeng Pendek Sunda: Putri Sawidak Loro

Selasa, 4 Oktober 2022 | 15:27 WIB

Dongeng Pendek Sunda: Sangu Sesa

Senin, 3 Oktober 2022 | 16:30 WIB

Carita Pondok: LENGLANG-LENGLANG SAWAH URANG

Sabtu, 24 September 2022 | 08:44 WIB

Carita Pondok: MARSIH

Sabtu, 10 September 2022 | 07:18 WIB

Cerita Pendek: TAWA DINI HARI

Sabtu, 3 September 2022 | 09:11 WIB

Carita Pondok: TANGKAL DARAJAT

Sabtu, 27 Agustus 2022 | 10:47 WIB

Cerita Pendek: RADIO

Sabtu, 20 Agustus 2022 | 11:44 WIB

Sapedah Hias

Selasa, 16 Agustus 2022 | 16:34 WIB
X