Carita Pondok: BOROK

- Sabtu, 2 Juli 2022 | 10:26 WIB
Ilustrasi carpon Borok. (Arsacadipura)
Ilustrasi carpon Borok. (Arsacadipura)

Ku: Yus R. Ismail

Tungtung taun 2020

Kaluar ti jamban karasa peurih dina tuur téh. Basa disidik-sidik bari diuk dina korsi, horéng raheut téh ngabareuhan deui. Bukekeng beureum. Boa di jerona geus aya nanahan. Leutik saenyana raheutna mah. Saukur katojos ku tungtung nyéré potong. Tapi sigana aya jaraman, jadi ngabareuhan siga kieu.

Hordéng anu masih nutup hareupeun méja tulis dibukakeun. Ku caang ti luar mah beuki atra anu bukekeng beureum téh. Diusap-usap bari didedetkeun saeutik ku curuk, karasa nyeri. Tapi saukur suku diucang-ucang mah henteu karasa teuing nyerina. Béda ti basa nyeri minggu kamari.

Jandéla di hareupeun méja tulis téh dibukakeun bari ngarérét hp. Paingan karasa lapar, da geus tabuh sapuluh leuwih geuning ieu téh. Gancang ganti baju. Asa mending ka warteg heula bari sakalian balanja ka warungmart. Tapi basa muka panto, karérét di handap aya anu keur popoé dina popoéan wawayagon sisi solokan. Popoéan saukur tali tambang leutik dikantengkeun antara tihang télépon jeung pancuh awi anu dipaku kana témbok.

Téh Aning anu keur popoé téh. Hiji-hijina tatangga anu masih aya. Enya, kamar kontrakan téh narungtutan kosong sabada pandemi covid-19 diumumkeun pamaréntah bulan Maret 2020. Ngarah sasalad covid-19 henteu nerekab, pamaréntah ngabéwarakeun pikeun PSBB (Pembatasan Sosial Bersekala Besar). Sakola, tempat hiburan, pasar, kantor-kantor, pertokoan, kapaksa eureun saheulaanan.

Atuh loba usaha anu bangkrut. Usaha anu laleutik mah pangheulana potol. Anu balantik leuleutikan komo deui. Di kontrakan kumuh sisi solokan ieu kaasup pangheulana karasa akibat pandemi covid-19 téh. Basa mimiti kuring ngontrak di kamar luhur ieu, masih aya tujuh kamarna anu dieusian. Tapi tukang emih tékték, kuli panggul di pasar, tukang cuanki, tukang parkir, mimiti lus-les. Anu nyésa téh kuring ngeusian kamar di luhur, di handap tinggal Téh Aning jeung Kang Barna, salakina, katut saurang budakna anu kakara dua taun.

Kang Barna kasabna téh di percétakan leutik. Eta ogé ti sababaraha bulan katukang kadangu luh-lahna lantara gajih elat dibayar, malah terusna dikurangan cenah. Puguh ogé kamarna téh percis di handapeun kamar kuring. Atuh lamun didédéngékeun sok kadangu anu keur ngobrol mah, angot lamun pacéntal-céntal leuwih atra.

Saenyana aya dua puluh kamarna kontrakan Ibu Haji Erum téh. Sapuluh kamar di handap sapuluh kamar di luhur. Ngan kamar anu aya jamban di jerona mah saukur aya opat, salah sahijina dieusian ku kuring. Kamar Téh Aning jeung Kang Barna mah jambanna di luar.

Halaman:

Editor: Dudung Ridwan

Tags

Artikel Terkait

Terkini

Sapedah Hias

Selasa, 16 Agustus 2022 | 16:34 WIB

Carita Pondok: SAJERONING ATI

Sabtu, 13 Agustus 2022 | 08:54 WIB

Cerita Pendek: DI DEPAN JENAZAH BAPAK

Sabtu, 6 Agustus 2022 | 09:07 WIB

Carita Pondok: MANG INTA MUNGGAH HAJI

Sabtu, 30 Juli 2022 | 06:13 WIB

Cerita Pendek: KADIR DAN SELAWAT KERUPUK UDANG

Sabtu, 23 Juli 2022 | 12:00 WIB

Carita Pondok: NU HARAYANG DITIKAH

Sabtu, 16 Juli 2022 | 10:06 WIB

Cerita Pendek: GARA-GARA TELEVISI

Sabtu, 9 Juli 2022 | 10:10 WIB

Carita Pondok: BOROK

Sabtu, 2 Juli 2022 | 10:26 WIB

Cerita Pendek: TIANG LISTRIK

Sabtu, 25 Juni 2022 | 07:00 WIB

Carita Pondok: MORO SAWARGA

Sabtu, 18 Juni 2022 | 09:13 WIB

Carita Pondok: LATAR LAYAR

Sabtu, 4 Juni 2022 | 10:59 WIB

Carita Pondok: DINA TUNGTUNG SIMPE

Sabtu, 21 Mei 2022 | 06:14 WIB

Cerita Pendek: SAJAK LI BAI YANG SEKARAT

Sabtu, 14 Mei 2022 | 09:45 WIB

Carita Pondok: SANEKALA

Sabtu, 7 Mei 2022 | 07:39 WIB

Cerita Pendek: PERTEMUAN PADA SUATU MALAM

Sabtu, 30 April 2022 | 11:31 WIB

Cerita Pendek: KISAH YANG TAK BERKESUDAHAN

Sabtu, 16 April 2022 | 10:48 WIB

Sastra Sunda: DEMONSTRASI

Sabtu, 9 April 2022 | 11:25 WIB

Cerita Pendek: PUASA TANPA KEPALA KELUARGA

Sabtu, 2 April 2022 | 14:04 WIB
X