Carita Pondok: LATAR LAYAR

- Sabtu, 4 Juni 2022 | 10:59 WIB
Ilustrasi carpon Latar Layar (Selma.)
Ilustrasi carpon Latar Layar (Selma.)

Ku: Vina Nurziani


DINA layar komputer katembong hiji awewe rambut pulas biru langit bari sirahna aya tandukan kumaha ge domba, undur-unduran bari nyekel busur panah. Hareupeunana, Nagawiru keur hiber ngawahan jang nyamber ka wanoja nu tadi. Ngoreleng ka sisi sangkan teu kabadi ku Nagawiru, buru-buru lumpat muru deui Nagawiru anu hiber ngajauhan.

Marengan Nagawiru eta ngadeukeutan; belesat! hiji anak panah leupas lir paser, ngurangan nyawa Nagawiru nu bodas. Belesat deui! Nyawa Nagawiru nu bodas beuki pondok. Katilu kalina, Nagawiru murag teu bisa hiber deui kapiuhan. Geus kitu mah beuheung Nagawiru anu keur ngadedempes teh diilikan kabelah tukangnna, da ceuk beja mah dina tonggongna teh aya hiji batu kacida herangna anu lamun digadabah terus-terusan Nagawiruna bakal tereh paeh.

Ti dinya mah teu kudu lila, Nagawiru anu mibanda nyawana kari empes-empes teh ditembakan we ku panah. Belesat-belesat we deui, sakali nembak teh nyawana beuki pondok, ngan sabaraha kali nembak tuluy eleh eta Nagawiru teh.

Lalaunan awakna robah jadi rewuan cika-cika. Ti dinya, layar komputer teh loading sakeudeung, tuluy nampilkeun battle rating jeung reward. Anu titadi nyanghareupan komputer teh kakara bisa ngarenghap deui, waas ningali karakter gim* nang miara manehna bisa ngelehkeun eta Nagawiru ku sorangan.

Beres ngalaksanakeun misi mingguan, Dida nutup layar gim anu geus dibuka ti wayah sareupna. Manehna ningalikeun layar komputer anu ayeuna ngan nembongkeun latar hiji nonoman nu boga jangjang kukupu diuk dina meja di kelas; tuluy ngareret kana speaker, mic, keyboard, jeung kabel nu pasulangkrah dina mejana.Sakali deui, Dida ngarenghap. Karasa beuteungna kukurubukan sakitu tadi sore geus ngahuapkeun mi goreng. Dina meja gigreunana, kasampak botol ciherang ukuran dua liter nu eusina kari satengah, gelas kosong, jeung hape.

Balik deui kana layar komputer, Dida muka alamat web nu eusina manuk disasada. Taya nanaon, ditutup deui. Ngetik deui ka alamat nu sejen, saruana taya nanaon. Nungtungna mah kalah hayang maca we, tapi kalah teu puguh da beuteung mah angger lapar. Teu bisa diliwat.

Dida cengkat tina pangdiukkanna, leumpang saeutik kana ranjang, ngadon maksakeun sare. Angger lapar. Kapaksa kudu hudang deui. Tengah peuting. Rap jaket, cek dompet, cek masker. Barang leumpang kana panto, manehna tipagut kana anduk nu ngulumbruk dina deukeut panto lantaran can dikaluarkeun.

Di tengah imah Dida nyampaikeun anduk kana korsi set meja makan. Manehna tuluy muka kulkas susuganan aya kadaharan nu gampang dipasak. Rumasa hirup sorangan, jauh ka kolot komo ka dulur, kulkasna kosong.

Halaman:

Editor: Dudung Ridwan

Tags

Artikel Terkait

Terkini

Carita Pondok: SAJERONING ATI

Sabtu, 13 Agustus 2022 | 08:54 WIB

Cerita Pendek: DI DEPAN JENAZAH BAPAK

Sabtu, 6 Agustus 2022 | 09:07 WIB

Carita Pondok: MANG INTA MUNGGAH HAJI

Sabtu, 30 Juli 2022 | 06:13 WIB

Cerita Pendek: KADIR DAN SELAWAT KERUPUK UDANG

Sabtu, 23 Juli 2022 | 12:00 WIB

Carita Pondok: NU HARAYANG DITIKAH

Sabtu, 16 Juli 2022 | 10:06 WIB

Cerita Pendek: GARA-GARA TELEVISI

Sabtu, 9 Juli 2022 | 10:10 WIB

Carita Pondok: BOROK

Sabtu, 2 Juli 2022 | 10:26 WIB

Cerita Pendek: TIANG LISTRIK

Sabtu, 25 Juni 2022 | 07:00 WIB

Carita Pondok: MORO SAWARGA

Sabtu, 18 Juni 2022 | 09:13 WIB

Carita Pondok: LATAR LAYAR

Sabtu, 4 Juni 2022 | 10:59 WIB

Carita Pondok: DINA TUNGTUNG SIMPE

Sabtu, 21 Mei 2022 | 06:14 WIB

Cerita Pendek: SAJAK LI BAI YANG SEKARAT

Sabtu, 14 Mei 2022 | 09:45 WIB

Carita Pondok: SANEKALA

Sabtu, 7 Mei 2022 | 07:39 WIB

Cerita Pendek: PERTEMUAN PADA SUATU MALAM

Sabtu, 30 April 2022 | 11:31 WIB

Cerita Pendek: KISAH YANG TAK BERKESUDAHAN

Sabtu, 16 April 2022 | 10:48 WIB

Sastra Sunda: DEMONSTRASI

Sabtu, 9 April 2022 | 11:25 WIB

Cerita Pendek: PUASA TANPA KEPALA KELUARGA

Sabtu, 2 April 2022 | 14:04 WIB

Sastra Sunda: LALAKON KOPLOK

Sabtu, 26 Maret 2022 | 08:20 WIB
X