Carita Pondok: DINA TUNGTUNG SIMPE

- Sabtu, 21 Mei 2022 | 06:14 WIB
Ilustrasi carpon Dina Tungtung Simpe. (Arsacadipura)
Ilustrasi carpon Dina Tungtung Simpe. (Arsacadipura)

Manéhna karék boga budak hiji, lalaki, umur tilu taun. Rumah tanggana can lima taun tapi teu meunang kabagjaan batin. Lian ti éta, watek pamajikanana nu heuras tur ngabadéga, nu ngalantarankeun Ari beuki maskét ka kuring. Tapi waktu diri hésé pegat ti manéhna, bet kalah ninggalkeun, teu ngarasakeun kapeurih haté kuring. Poho sagala nu geus dikedalkeun, poho sakabéh nu geus disorang.

Cenah, tiheula mah hayang pegat ti pamajikanana, ngan kahalangan ku budak, apan kuring gé lain wanoja nu néang-néang kasempetan, kuring embung jadi cukang lantaran mun seug manéhna nalak pamajikanana. Kuring gé boga parasaan. Da ning bukti, ucapan manéhna ukur pupulasan. Nu cenah geus teu suka ka pamajikanana, tayohna beurat. Moal teurak kategesanna, yén pajar lain alatan geus teu cinta mun kudu paturay jeung kuring. Naon atuh? Nu puguh mah kadieunakeun kanyahoan, pamajikan nu cenah ceuk manéhna teu mampuh nganapkahan batin téh, ning keur ngandung anakna. Kuring mundur. Kuring kudu nata kahirupan ka hareupna tibatan mikiran lalaki nu teu miroséa deui.

Sora panto kamar nu diketrokkan ngagareuwahkeun. Geuwat nyusut cipanon ku tungtung ramo, diwedak saeutik, lipensetip pulas kayas molés biwir nu piyas. Ngahaja poé ieu teu indit gawé, Alia mulang tabuh sapuluh ari poé Saptu mah. Ayeuna karék jol. Rék diajak jalan-jalan ka puseur dayeuh, hayang nyugemakeun sangkan teu nguluwut waé mikiran guru privatna nu nepi ka kiwari teu datang. Budak, ogo kawas ka bapana, kitu ceuk Ratna mah. Pa Ray gé bangun nyaah pisan, teuing asa ka anakna da bogaeun anak awéwé sapantar Alia.

“Pa Ray, Bu…” Ratna ngajanteng dina lawang panto  kamar waktu kuring muka ti jero. “Ayeuna nuju ngobrol sareng Alia, meni bungah Alia tuh, Bu… abdi gé reugreug ningalna.”

“Sanggemeun ngajar deui Alia?”

“Kantenan. Da peryogi panghasilan. Istrina teu damel bari nuju kakandungan.”

“Bayaranna pasihan dua lipet, Rat. Étang-étang ibadah.”

Rét, kana pigeulang kénca. Tabuh sawelas. Sakalian rék diajak guruna jalan-jalan bari hayang wanoh. Ratna ngaléos ka dapur rék nyokot cai jeung lalawuh. Kuring mah ka rohang tengah, tempat nu biasa dipaké unggal Alia diajar.

Léngkah ngarandeg, bareng jeung teuteupan kuring ka nu keur ngabanyolan Alia. Dada ngaguruh. Lalakon sawelas taun narémbongan deui. Nyél, sebel ka nu kungsi ngaraheutan haté kumplit jeung méhméhan ngancurkeun hirup kuring mun teu sadar-- saupama kuring nelasan pati-- rék kumaha nasib si utun inji nu keur dikandung.

Baca Juga: Carita Pondok: SANEKALA

Halaman:

Editor: Dudung Ridwan

Tags

Artikel Terkait

Terkini

Cerita Pendek: DI DEPAN JENAZAH BAPAK

Sabtu, 6 Agustus 2022 | 09:07 WIB

Carita Pondok: MANG INTA MUNGGAH HAJI

Sabtu, 30 Juli 2022 | 06:13 WIB

Cerita Pendek: KADIR DAN SELAWAT KERUPUK UDANG

Sabtu, 23 Juli 2022 | 12:00 WIB

Carita Pondok: NU HARAYANG DITIKAH

Sabtu, 16 Juli 2022 | 10:06 WIB

Cerita Pendek: GARA-GARA TELEVISI

Sabtu, 9 Juli 2022 | 10:10 WIB

Carita Pondok: BOROK

Sabtu, 2 Juli 2022 | 10:26 WIB

Cerita Pendek: TIANG LISTRIK

Sabtu, 25 Juni 2022 | 07:00 WIB

Carita Pondok: MORO SAWARGA

Sabtu, 18 Juni 2022 | 09:13 WIB

Carita Pondok: LATAR LAYAR

Sabtu, 4 Juni 2022 | 10:59 WIB

Carita Pondok: DINA TUNGTUNG SIMPE

Sabtu, 21 Mei 2022 | 06:14 WIB

Cerita Pendek: SAJAK LI BAI YANG SEKARAT

Sabtu, 14 Mei 2022 | 09:45 WIB

Carita Pondok: SANEKALA

Sabtu, 7 Mei 2022 | 07:39 WIB

Cerita Pendek: PERTEMUAN PADA SUATU MALAM

Sabtu, 30 April 2022 | 11:31 WIB

Cerita Pendek: KISAH YANG TAK BERKESUDAHAN

Sabtu, 16 April 2022 | 10:48 WIB

Sastra Sunda: DEMONSTRASI

Sabtu, 9 April 2022 | 11:25 WIB

Cerita Pendek: PUASA TANPA KEPALA KELUARGA

Sabtu, 2 April 2022 | 14:04 WIB

Sastra Sunda: LALAKON KOPLOK

Sabtu, 26 Maret 2022 | 08:20 WIB

Cerita Pendek: JERAT BUBAT

Sabtu, 19 Maret 2022 | 05:05 WIB
X