Carita Pondok: DINA TUNGTUNG SIMPE

- Sabtu, 21 Mei 2022 | 06:14 WIB
Ilustrasi carpon Dina Tungtung Simpe. (Arsacadipura)
Ilustrasi carpon Dina Tungtung Simpe. (Arsacadipura)

“Naha maké ka Ibu?” kuring kerung. “Aya-aya waé!”

“Saéstuna, Pa Ray kasép, Ibu geulis, ah… nurub cupu sareng Ibu mah!” Ratna ngangkat jempol katuhuna.

“Heuh, pan kagungan istri, sanés?” kuring ngadilak.

“Muhun sih, Bu… tapi pan pameget mah wenang…” sora Ratna ngagerendeng tapi mampuh nembrag jajantung.

Léos kuring ka kamar, nangtung hareupeun kaca lomari. Nengetan ti luhur sirah nepika handap. Kuring téh can kolot-kolot teuing, tilu bulan deui karék tilu puluh opat. Sapopoé nguruskeun pagawéan, ancrub dina dunya bisnis seja mapalérkeun kapeurih jeung kakuciwa haté alatan kungsi nyorang lalakon pait. Taya nu nyaho  kuring, Émilia, wanoja motékar, haténa simpé.

Cinta? Ah, kecap éta geus lila muguran tina jero dada. Caritaan Ratna tadi najong mamaras. Kuring léngoh, Pa Ray boga pamajikan, tapi apan cenah lalaki mah wenang. Teu kungsi kapikiran hayang rumah tangga, kungsi sakali waktu dideukeutan ku lalaki nu boga pamajikan. Teu, henteu. Moal. Kuring moal kadoja ku salaki batur. Moal. Keur naon kalah nyeri mah. Najan dina enyana kudu ngarangkep jeung lalaki léngoh, teu kapikiran. Kuring hayang nyorangan. Teu boga salaki. Aya nu leuwih penting dina hirup, nyimbeuhan Alia ku kanyaah.

Cipanon ngalémbéréh kana pipi teu bisa ditadah. Lalakon sawelas taun katukang tingsulabreng dina kongkolak panon. Teu mampuh disingkahan. Kapeurih dina haté nu kiwari simpé.

“Pasihan abdi katangtosan, Kang,” kuring dareuda. Ari-- lalaki nu dipiasih-- geus sabulan mamaharé, teu gugur teu angin, rarasaan kuring teu nyieun codéka.

“Ngeunaan?” tanyana bari satengah ngabalieur.

“Hubungan urang,”  cékéng togmol. Réngkak polahna nu pinuh perhatian, ungkara trésna nu teu weléh ngamalir tina biwirna, teu kungsi karasa deui. Sakitu paribasa, bogoh, nyaah, deudeuh, sono. Sakitu remen ngungkapkeun, ulah robih paraosan Émilia nya, mung Émilia wanoja nu janten pikir, nu dipisono beurang peuting, nu kagugundamkeun. Di gigireun Émilia, Akang asa jadi lalaki nu pinuh harti.

Halaman:

Editor: Dudung Ridwan

Tags

Artikel Terkait

Terkini

Cerita Pendek: DI DEPAN JENAZAH BAPAK

Sabtu, 6 Agustus 2022 | 09:07 WIB

Carita Pondok: MANG INTA MUNGGAH HAJI

Sabtu, 30 Juli 2022 | 06:13 WIB

Cerita Pendek: KADIR DAN SELAWAT KERUPUK UDANG

Sabtu, 23 Juli 2022 | 12:00 WIB

Carita Pondok: NU HARAYANG DITIKAH

Sabtu, 16 Juli 2022 | 10:06 WIB

Cerita Pendek: GARA-GARA TELEVISI

Sabtu, 9 Juli 2022 | 10:10 WIB

Carita Pondok: BOROK

Sabtu, 2 Juli 2022 | 10:26 WIB

Cerita Pendek: TIANG LISTRIK

Sabtu, 25 Juni 2022 | 07:00 WIB

Carita Pondok: MORO SAWARGA

Sabtu, 18 Juni 2022 | 09:13 WIB

Carita Pondok: LATAR LAYAR

Sabtu, 4 Juni 2022 | 10:59 WIB

Carita Pondok: DINA TUNGTUNG SIMPE

Sabtu, 21 Mei 2022 | 06:14 WIB

Cerita Pendek: SAJAK LI BAI YANG SEKARAT

Sabtu, 14 Mei 2022 | 09:45 WIB

Carita Pondok: SANEKALA

Sabtu, 7 Mei 2022 | 07:39 WIB

Cerita Pendek: PERTEMUAN PADA SUATU MALAM

Sabtu, 30 April 2022 | 11:31 WIB

Cerita Pendek: KISAH YANG TAK BERKESUDAHAN

Sabtu, 16 April 2022 | 10:48 WIB

Sastra Sunda: DEMONSTRASI

Sabtu, 9 April 2022 | 11:25 WIB

Cerita Pendek: PUASA TANPA KEPALA KELUARGA

Sabtu, 2 April 2022 | 14:04 WIB

Sastra Sunda: LALAKON KOPLOK

Sabtu, 26 Maret 2022 | 08:20 WIB

Cerita Pendek: JERAT BUBAT

Sabtu, 19 Maret 2022 | 05:05 WIB
X