Carita Pondok: SANEKALA

- Sabtu, 7 Mei 2022 | 07:39 WIB
Ilustrasi carpon Sanekala. (Arsacadipura)
Ilustrasi carpon Sanekala. (Arsacadipura)

Sapuluh taun ka tukang basa mundur ti ConocoPhillips, meunang pasangon leuwih ti satengahna dipake meuli tanah keur ngebon. Nu di imah bungah katémbongna mah. Sapuk mending usaha cenah tibatan kudu nandonkeun nyawa di tengah laut mah. Der ngebon. Manéhna ngurihit rek bibilintik kana konpéksi. Atoh boga kahayang kitu téh, sabab kapan kasangtukangna jurusan desain laju kapegung waktu mimiti rumah tangga. Jangjang nu keur sumanget hiber kudu eureun lantaran gubrag si sikal, heuleut tilu taun lahir si bungsu. Manéhna jongjon kana ngebon, pamajikanana ngokolakeun konpéksi. Manéhna betah di kebon, pamajikan kajongjonan teuing kana usaha. Barudak diatik macakal sorangan sok sanajan masih kuliah jeung sakola.

Beuki lila ranjang beuki caméwék. Bet lat kapopohokeun kumaha cara ngambah sagara. Duanana badis lemah jeung langit. Ngajengjen papaharé. Sakalieun kilat nyamber, bumi angger haré-haré, atuh ukur semet ngaburinyay, geus kitu mah pes pareum teu ditungtungan ku jelegerna gelap.

Usaha ngebon beuki ngalegaan, sarupaning buah naon baé nyampak. Dina waktuna sapuk gawé bareng jeung pausahaan inuman, beuki tengtrem sabab unggal panén geus teu rudet kudu ka mana ngajualna. Nya harita manéhna ngarasa butuh ku bagian administrasi. Der muka lowongan gawé. Aya puluhna anu ngalamar, ti mimiti lulusan sakola kajuruan nepika sarjana. Ngan waktu mariksa potrét nu ngalalamar téa, manéhna asa cop ka budak awéwé lulusan sakola kajuruan. Teu salah milih da gening digawéna suhud, tarapti dina nyieun pembukuan. Ngan hiji wé nu rada anéh téh sok gura-giru balik. Dina waktuna lekasan kantor, batur mah masih kénéh caricing, éta budak mah geus ngabiur balik. Tara ieuh opénan, da puguh hakna. Ngan waktu dipénta lembur, tibang ngahulang, bangun seunggah.

“Naha?”

“Punten bapa, dinten ieu abdi nuju UTS,” basana.

“Kuliah?”

“Sumuhun.”

“Nya geus atuh teu nanaon.”

Nepika rérésna kuliah, éta budak teu ingkah balilahan. Terus gawé di kebon. Opat taun reureujeungan, asa geus kaasuh. Dititah ngalembur tara narah da puguh teu kudu tibuburanjat balik ngarah ka kampus teu kapoosan. Waktu peuting harita paduduaan ngambah sagara, bet bangun nu geus loma, siga jurumudi jeung kaptén kapal baé, silih pikanyaho kahayang. Ngan waktu bendungan bedah, kapireng harewosna ‘si irung mancrit’ : “kumaha ibu?”.

Tara-tara ti sasari mulang ti kebon pamajikanana geus nyampak. Waktu pasarandog di patengahan, nawaran naha rék mandi heula atawa dahar. Manéhna teu giak ngajawab bangun nu leumpeuh yuni. Tina ku geus taunan téa tayohna tara ngadéngé nu nawaran samodél bieu. Sup manéhna ka kamar tengah, pamajikanana asup ka kamarna gigireunana. Simpé deui. Siga langit jeung lemah sabihari.

Halaman:

Editor: Dudung Ridwan

Tags

Artikel Terkait

Terkini

Cerita Pendek: DI DEPAN JENAZAH BAPAK

Sabtu, 6 Agustus 2022 | 09:07 WIB

Carita Pondok: MANG INTA MUNGGAH HAJI

Sabtu, 30 Juli 2022 | 06:13 WIB

Cerita Pendek: KADIR DAN SELAWAT KERUPUK UDANG

Sabtu, 23 Juli 2022 | 12:00 WIB

Carita Pondok: NU HARAYANG DITIKAH

Sabtu, 16 Juli 2022 | 10:06 WIB

Cerita Pendek: GARA-GARA TELEVISI

Sabtu, 9 Juli 2022 | 10:10 WIB

Carita Pondok: BOROK

Sabtu, 2 Juli 2022 | 10:26 WIB

Cerita Pendek: TIANG LISTRIK

Sabtu, 25 Juni 2022 | 07:00 WIB

Carita Pondok: MORO SAWARGA

Sabtu, 18 Juni 2022 | 09:13 WIB

Carita Pondok: LATAR LAYAR

Sabtu, 4 Juni 2022 | 10:59 WIB

Carita Pondok: DINA TUNGTUNG SIMPE

Sabtu, 21 Mei 2022 | 06:14 WIB

Cerita Pendek: SAJAK LI BAI YANG SEKARAT

Sabtu, 14 Mei 2022 | 09:45 WIB

Carita Pondok: SANEKALA

Sabtu, 7 Mei 2022 | 07:39 WIB

Cerita Pendek: PERTEMUAN PADA SUATU MALAM

Sabtu, 30 April 2022 | 11:31 WIB

Cerita Pendek: KISAH YANG TAK BERKESUDAHAN

Sabtu, 16 April 2022 | 10:48 WIB

Sastra Sunda: DEMONSTRASI

Sabtu, 9 April 2022 | 11:25 WIB

Cerita Pendek: PUASA TANPA KEPALA KELUARGA

Sabtu, 2 April 2022 | 14:04 WIB

Sastra Sunda: LALAKON KOPLOK

Sabtu, 26 Maret 2022 | 08:20 WIB

Cerita Pendek: JERAT BUBAT

Sabtu, 19 Maret 2022 | 05:05 WIB
X