Sastra Sunda: SRIKANDI ZAMAN NOW

- Sabtu, 26 Februari 2022 | 15:12 WIB
Ilustrasi carpon Srikandi Zaman Now (Arsacadipura)
Ilustrasi carpon Srikandi Zaman Now (Arsacadipura)

Ku:  Ratna Ning

PAN urang tèh geus ngamerdèkakeun diri, jadi wanoja-wanoja pilihan nu teu keueung nyanghareupan geletukna nasib, hirup nyorangan alatan nogèncang ngarangkepkeun diri na hiji beungkeutan rumah tangga. Batur mah moal ngarti, kabisana ukur nyecenèh ngalèlècè kana status urang.

Sajajalan raweuy slogan “Srikandi Zaman Now, kudu berdaya ulah daèk diperdaya. Cawokah Tapi Motèkar. Wonder Women Emak Super. Binangkit Matak Meulit” dina poster jeung spanduk. Marakbak ngararangkènan sisi-sisi jalan, raweuy di sagèdèngeun poster jeung spanduk sèjèn. Poster jeung spanduk nu antukna mah matak nyeuit.

Girimis mimiti badag, maturan motor nu ngahaja dimodif sangkan lumpatna tarik, lir ngajak balap ka hujan nu mingkin ngagebrèt. Balap jeung hujan, jeung wanci nu geus maju burit.
Lebah pertelon hujan rongkah pisan. Manèhna nempo poster Srikandi Zaman Now geus ngalèklèk kateumbag angin. Ngeureunkeun motor lebah warung pudunan. Teu kuat awak karasa ngadègdèg kabaseuhan.

Mesen kopi hideung sagelas. Am kana roti nu ngabarak na mèja. Nyarandè na tihang kai, mèh pasesedek jeung nu reuteum sarwa ngiuhan. Nyèrangkeun ka lebah poster gambar manèhna jeung saparakanca, keur seuri bari meureupkeun leungeun, neuteup matapoè lir nangtangan nyongkabna kahirupan.

Poster nu dijieun sanggeus deklarasi. Tuluy diterap-terapkeun sapapanjang jalan nu kira katojo jeung aya lolongkrang. Harita mah asa ngagedur pisan sumanget tur tumuwuh harepan, panceg rèk nanjeurkeun ajèn inajèn diri salaku awèwè lèngoh nu hamo daèk dilèlècè jeung lemah.

“Sanajan urang borokokok gè tapi kudu ngabogaan ajèn diri. Kudu motèkar nèang jeung nyiptakeun lolongkrang pikeun ngaronjatkeun kahirupan urang, keur ngahuripan kulawarga. Utamana anak salaku didikeun, atikeun jeung tanggung jawab urang,” ceuk manèhna harita.

Sepakat. Mufakat. Satutas riungan bubar, nyongkab ngagedur harepan jeung sumanget anyar. Rèk paheuyeuk-heuyeuk leungeun pikeun ngaronjatkeun darajat hirup sangkan ulah tigebrus kana durukan.

Ramè gaungna Srikandi tèh. Geus mèh-mèhan eksis. Ngan program nu dijieun can ngabukti hiji gè. Nu aya ti poè ka poè ngan ririungan jeung iinditan nu teu pati metu. Kabawa sibuk ngupahan galau nu taya rèngsèna.

“Can cawengahlah. Heurin kènèh ku lèngkah. Bantuan heula nyieuhkeun popotongan nu haben nagen ngahèroan. Ka ditu ka dieuna euweuh kaluginaan. Dikukuntit ditututur, di intip dipapay-papay...” Ami masih kènèh mugen, alatan galau ku popotongan.

Halaman:

Editor: Dudung Ridwan

Tags

Artikel Terkait

Terkini

Carita Pondok: BOROK

Sabtu, 2 Juli 2022 | 10:26 WIB

Cerita Pendek: TIANG LISTRIK

Sabtu, 25 Juni 2022 | 07:00 WIB

Carita Pondok: MORO SAWARGA

Sabtu, 18 Juni 2022 | 09:13 WIB

Carita Pondok: LATAR LAYAR

Sabtu, 4 Juni 2022 | 10:59 WIB

Carita Pondok: DINA TUNGTUNG SIMPE

Sabtu, 21 Mei 2022 | 06:14 WIB

Cerita Pendek: SAJAK LI BAI YANG SEKARAT

Sabtu, 14 Mei 2022 | 09:45 WIB

Carita Pondok: SANEKALA

Sabtu, 7 Mei 2022 | 07:39 WIB

Cerita Pendek: PERTEMUAN PADA SUATU MALAM

Sabtu, 30 April 2022 | 11:31 WIB

Cerita Pendek: KISAH YANG TAK BERKESUDAHAN

Sabtu, 16 April 2022 | 10:48 WIB

Sastra Sunda: DEMONSTRASI

Sabtu, 9 April 2022 | 11:25 WIB

Cerita Pendek: PUASA TANPA KEPALA KELUARGA

Sabtu, 2 April 2022 | 14:04 WIB

Sastra Sunda: LALAKON KOPLOK

Sabtu, 26 Maret 2022 | 08:20 WIB

Cerita Pendek: JERAT BUBAT

Sabtu, 19 Maret 2022 | 05:05 WIB

Sastra Sunda: LEUNGITEUN

Sabtu, 12 Maret 2022 | 10:32 WIB

Cerita Pendek: DERA LARA

Sabtu, 5 Maret 2022 | 06:47 WIB

Sastra Sunda: SRIKANDI ZAMAN NOW

Sabtu, 26 Februari 2022 | 15:12 WIB

Lugiena De jadi Pinunjul Hadiah Sastra LBSS 2022

Selasa, 22 Februari 2022 | 08:17 WIB

Cerita Pendek: PERTEMUAN

Sabtu, 19 Februari 2022 | 11:09 WIB
X