Carita Pondok: SAPIKER TOA

Carita Pondok Jenar Mahésa

"Assalamualaikum warahmatullah wabarakatuuh. Sampun Kapundut wangsul sowan wonten ing ngarsa dalem Allah..."

SORA sapiker toa disada ti masjid, sorana cempréng tur rébék tanding sora mitoha Adéng lamun isuk-isuk pareng nyarékan hayam pipireun imah. Lain nyarékan hayam saenyana lantaran basana pinuh ku ruruhit ditarima ku ceuli Adéng nu biasana masih ngaringkuk di kamar. Ngahudang rasa sumanget, laju nimpug nu ngacaprak ku halu lumpang. Ngan samet niat prakna mah teu wantun.

Adéng ngoréjat. Ceulina dirancung-rancung tapi berita lelayu kaburu dipungkas ku sora feedback ngajelengik nojos ceuli. Adéng nutupan sirahna ku bantal lenyéd pinuh ku dahdir. Sora Rojali marbot masjid karasana jiga tarompét sangkakala nyocogan ceuli, nguwak-ngawik impénan nu keur sumedeng éndah.

"Suudzhoooon!" Adéng ngajerit bari kokosodan dina dipan. Polahna jiga kasarumahan jurig barongsai.

"Éling, astagfirullah dudu suudzhon, Kaang! Ndang raup kono gén waras." Surti norojol, gap ngarampa tarang salakina, laju ditoyorkeun kana bilik kamar nepika nobros. Mitoha awéwé nu keur marab hayam ngajerit, tuluy ngayekyek sawan sab ningali hulu Adéng kaluar tina bilik teu jeung awakna.

Baca Juga: Asyik! Cuti Bersama Maju, Pemerintah Imbau Perusahaan Swasta Beri THR Lebih Awal

"Saha nu saré! Sidik aing geus hudang, naha ari manéh?" Adéng turun tina dipan bari ngeprukan sirahna nu pinuh ku apu.

"Tangi tapi urung sadar iku jengené nglindur, Naang!" Surti némpas.

"Saha nu maot, béb?"

"Spiker toa buanter néng sanding omah orak krungu? Péan' iku turu opo mati, Mas?"

"Toa butut!"

"Butut juga toa, berguna lah, daripada sampéan."

"Oh, kiit." Adéng napsu.